每月彙整：September 2008

已加密檔案

由 CARO 發表於 2008 年 9 月 30 日

今日係堆上鎖既 FOLDER 中搵返一集咁大把既動畫…睇左陣，冇字幕純DVD標清版，05年既作品大概都係咁…套動畫名…比你地估下先…好自然地，我睇既都係關於巫女睇下圖先            難得一見既動畫，用巫女做主題，仲要係愛情故事…隨左犬夜叉外，另一值得一看既動畫

發表於 動漫相關 | 2 則迴響

換左新梳化

由 CARO 發表於 2008 年 9 月 28 日

今照仲訓緊，之後比呀哥嘈醒，佢話1點幾張梳化送黎，我懶得理佢…訓左陣，「叮噹」，有人送張梳化黎，果時我仲懶緊床到啲人走左，我就行出黎睇下(買果時我冇去)，之後坐下，冇咩野，去左刷牙…張梳化左右兩邊個手位好好擺，都幾矮下，訓教一流

發表於 閒情雅致 | 發表迴響

今日好無聊

由 CARO 發表於 2008 年 9 月 24 日

今照 7 點 20 分起左身，教師發展日加3號波唔洗返… 原本約左同學打籃球(0700-0800)，點知康文處 9 點先開，搞到冇得去打… 然後訓到 1030 ，起身上陣網，之後落街買早晨M記… 期間發生左一個小插曲… 話說我叫早晨7號餐飲橙汁… 啲野齊晒，個經理就同落單個人講：「『7號餐飲橙汁』係唔係走左，張單冇左既？」 原來…佢張單出左檸檬茶… $18.5 但佢又可以斟左杯橙汁… PS: 大家有冇留意，飲檸檬茶都係收$18.5 食完野，搭 MTR 去 KT ，行左成四個字就去左某體育館，時間岩岩好，啲同學簽緊場… 然後就成班人入左去個壁球場，不過佢好衰，有好多死位會 KICK 住個波… 就係咁我地就打左五個波走，一個係場既，其他係我地 咁就冇左成一百蚊…依家要等啲人拎返堆波 打完…我地就上左去籃球場繼續打… 打到咁上下就去左食坑腩河，廿蚊冇野飲，好貴 最後返到屋企喪做功課

發表於 閒情雅致 | 發表迴響