QK-Style- IVE 迎新日 2010 年 9 月 02 日
- R.I.P 馬尼拉挾持巴士事件 2010 年 8 月 24 日
- 2010年8月8日網聚 #2 2010 年 8 月 09 日
- 2010年8月8日網聚 2010 年 8 月 08 日
- 人生轉捩點 2010 年 8 月 04 日
每月彙整：July 2010
對HKDI更深一層既認知
岩岩同一位設計師食飯傾計，咁岩佢又得閒，食完野就返公司同佢吹水。 … 跟住我就問一問佢其實 IVE「資訊科技」既「三年制多媒體設計資訊科技高級文憑」課程，同 HKDI 既「三年制創意媒體設計高級文憑」有咩分別？ 佢睇左一睇，就叫我入 HKDI 。我問佢：「咁有冇得解釋下點解？」佢話佢都係 IVE 讀過，依一科個師資都唔係幾好，相反 HKDI 係主力設計既。跟住佢就問我：「你認為啲公司搵人做設計，會搵 IVE 既人，定係 HKDI 既人？」答案顯然而見。 咁兩個課程除左院校外，仲有咩分別呢？係度先感謝佢同我分析同教識左幾樣野… 就係原來 HKDI 既課程，會比較著重教你思維上既野，佢地稱依啲為開腦。而相反，IVE 資訊科技既課程就只係純粹教你，而你學左就做。 佢又話，HKDI 教既 文化學同美學與符號溝通學 ，對日後讀書/理解都比較容易掌握。佢簡單咁講明左 文化學同美學與符號溝通學 係咩黎，當然一時間我都唔係好理解到… 但我明白左一樣野，就係如果對媒體設計有一定興趣，入 HKDI 就冇錯。
暑假第二個黑雨 之 放榜前一星期 之 中學篇
今日一大清早就起左身刷形洗面，原因係大廈要洗水缸… 之後等到12點左右，搭MTR去九龍灣… 出門口前睇左氣象圖，見到有個好大既雲狀物體形成緊，加上港島果邊D雨好大，經過幾秒既思考後，決定都係袋把遮… 去到牛頭角站，舊雲終於落到黎，雨都唔細… 然後九龍灣商場行左陣，然後上二期機鋪打機… 果時大概已經係1點左右，但顯然地係唔齊人… 最後去到搭直通巴士既車站，見到有兩個很熟口面既人形準備上的士，然後姓吳果位人兄被撞牆兄的多番說話後，衝左過去果兩位人兄到，而我同撞牆兄都跟住衝… 不過基於地面濕滑，一個唔小心仆左係地下，好彩有條柱比我借力，先無咁傷 最後當然有人遲到，而遲到果位仲要係BOOK場果位… 入到房有得篤波唱K玩PS3，我就緊係篤波算啦… 篤到5點幾，悶悶地，拎部電話出黎上網，先知原來掛左黑、紅暴雨… 無視… 最後緊係乜都唔理，繼續篤波唱K玩PS3 玩到8點，散水，一齊搭的士返去九龍灣… 我地一行十個人，分左三架的士… 上到車，同個司機傾開先知原來的士可以載5個乘客… 前1後4… 佢唔講真係唔知 好了，今日就是放榜前的一個星期… 各位好走了