早幾日前，塊底板無故暴斃於機箱內，經過多番調查下，死因仍然不明…

所以就換左另一塊牙石底板，然而，塊底板係買CPU果時送埋，賣家話塊底板有啲問題，不過我冇問佢有咩問題…

最後我都係選揀唔用牙石底板，轉用另一塊ECS底板…

問題來了。。。

我隻 TP-Link 無線接收手指，同埋隻高清手指… 又無故暴斃… 一直到依家又係死因不明…

無計之下，唯有送佢地入廠…

我發現，原來兩舊野都係入同一間廠…

都好既，唔洗左仆右仆搵廠入…

話說尋日… 唉…

返工果時要對數，因為尋日有好多人比CASH，而且又係夜晚一次過有幾個客…

之後搞左都好耐，OT左15分鐘先收晒錢，D客先走晒…

然後又用左一段時間去對數，情形同學生會放學計數一樣…

最煩既係我已經好攰，一時大意搞錯左程序…

總之一句… 對數好煩

先來文字分享

鋼鍊都做左成年有多，今日終於大團圓結局。
我原本都係跟 TVB 既進度黎睇 (TVB去到60集) ，不過知道左今日完結，都特意破例一次，同呀哥借埋其餘果4集。
一次過睇晒4集，好大衝擊…
一開始都知係 Happy Ending ，但係個心都係唔知點形容。

最後就話兩兄弟各自遊歷，好明顯係一個伏筆，點解咁講呢？
因為佢係會出~劇~場~版~！
首先，如果將64集濃縮做120分鐘既電影係無咩可能…
其次，父親大人仲係個瓶度既果段時期都已經交代晒，無謂再作…
最後，好明顯漫畫都係趕及同動畫完，先趕工作出黎…
由此，推斷出交代兩兄弟既遊歷係正確的…

當然以上全為小弟既見解，到時都係要睇佢點出，不過我對兩兄弟之後既生活比較感興趣

圖片分享

繼續閱讀 →