太耐冇更新，所以今次決定打多少少野。這幾天都忙著整理舊相片，發現由2008年迄今，有拍照的展覽約是12個，有些沒拍照的都記不起了… 以前的我甚麼都不懂，都是透過學校去參觀的。現在我自己都有能力四處闖蕩(可移動範圍就只有香港境內)，加上學系需要，所以便開始找尋不同的展覽作記錄，為了方便整理，所以加開了一個新分類名為「展覽」。現在先送上近日參觀的兩個展覽，有空的話，會嘗試補完其他沒有在BLOG上紀錄的展覽。
前日跟朋友去了看展覽，那都是關於設計的。第一個介紹的是「苗族文化與可持續設計」展覽，而第二個介紹的是「紅點設計大獎」展覽。
「苗族文化與可持續設計」展覽傳送門：http://qkla.com/2011/02/miaos-culture-and-sustainable-design-exhibition/
「紅點設計大獎」展覽傳送門：http://qkla.com/2011/02/red-dot-design-award-exhibition/
本故事發生在數學考試…
當開考後，我就不停咁做，做呀做，做做做，起勢咁做，不斷做，做做做做，喪做，死都要做，做又做，由頭做，做做做，亂咁做，不停做，由尾做………….. 就係咁，以下省略多100字。
考完試之後，我就同朋友傾下有咩好做。咁我就提意不如去睇《偷借りぐらしのアリエッティ》啦~
之後我用金錢誘惑，一人請廿蚊睇戲，就係咁佢地就落搭喇~ 
由學校去到港鐵站，都用左成十分鐘~
之後去到九龍灣站，我地就衝呀~衝呀~起勢咁衝呀~不停咁衝，衝呀衝，衝衝衝，唔理前面係咩都衝，衝衝衝衝，亂咁衝………… 就係咁，又要省略多100字。
好在趕得切，去到櫃台即刻買三張飛… 初時以為要五十蚊張飛，點知原來四十蚊搞掂~
好了，終於有得睇啦，等左好耐~
由上年12月尾等到依家先睇，真係等到我 
*以下內容包含戲透…
睇左日文版以下係我既小小評論。
畫面：
真係好掂，有宮崎駿以往一貫既作風，就係要 Detail 既野真係可以好 Detail ~ 由磚瓷到小矮人既房子，每每都畫得好細緻，加上我之前睇過有關既展覽，所以特別留意及觀察佢屋企既擺設！
聲音：
說真的，我入場係為左聽首主題曲。(*絕對唔係GEM果首，因為我睇既係日文版… 我知中文版到結尾係播GEM，所以為左安全起見，日文版係我首選。)
不過唔係久石讓做配樂，好明顯聽見到啲背景音樂唔多配個故仔…
加上每一首有人聲既背景音樂都係由同一個女仔唱，有丁點兒… 還好的就是，我喜歡這類有歐陸鄉村的音樂，感覺很舒服。
內容：
我冇睇原作小說，內容既分別我唔清楚… 不過點都要講，明明小矮人佢地係偷，但就死都話係借… 之後戲入面又不停咁提佢地係借唔係偷… 好明顯係教導小朋友去偷野 
唔好講借定偷，講返主線內容，個ENDING真係完得好… 快… 睇到尾，先覺原來做完啦…!? 整體冇悶場位，但時間就過得真係好快！一路都係好平淡咁樣過，高潮位就… 你睇到最尾先知原來果啲就係高潮位 
同埋我覺得可以出第二集，有網友提到小說有成五部，而宮先生就改編左第一部，所以個結局好明顯未完~
最後，睇到戲內有唔少跟以往吉卜力工作室作品相似既畫面。例如隻貓咪好似龍貓既貓巴士；小矮人スピラー拉弓果下似幽靈公主；最尾佢地搬家時遇到既狸貓就在百變貍貓中出現過。當然我唔係吉卜力FANS，有好多位我可能發現唔到…
總結，ENDING唔係人人受到，教育意義亦都有少少矛盾… 不過四十蚊既價位，係好睇過創‧戰紀。
*謎之聲：你未寫創‧戰紀既BLOG 
其實我一直都以為アリエッティ會好似地海傳說瑟魯一樣咁唱歌架，不過都係冇機會出現 
由始至終，最正果PART都係片尾一路播歌，一路播埋果小小結尾~ 係戲院聽 Arrietty’s Song 真係一大享受… PS: 我唔敢想像結尾果時係播GEM唱果首 
飛尾
