今照 7 點 20 分起左身，教師發展日加3號波唔洗返…
原本約左同學打籃球(0700-0800)，點知康文處 9 點先開，搞到冇得去打…
然後訓到 1030 ，起身上陣網，之後落街買早晨M記…
期間發生左一個小插曲…
話說我叫早晨7號餐飲橙汁…
啲野齊晒，個經理就同落單個人講：「『7號餐飲橙汁』係唔係走左，張單冇左既？」
原來…佢張單出左檸檬茶… $18.5
但佢又可以斟左杯橙汁…
PS: 大家有冇留意，飲檸檬茶都係收$18.5
食完野，搭 MTR 去 KT ，行左成四個字就去左某體育館，時間岩岩好，啲同學簽緊場…
然後就成班人入左去個壁球場，不過佢好衰，有好多死位會 KICK 住個波…
就係咁我地就打左五個波走，一個係場既，其他係我地 …

今日係第二次網聚 (第一次) …一照早就出左門口，之後搭左架 268C 去又新街，好奇蹟今次冇嘔嗚…當我拎起個電話時…嘩…好彩，仲以為會遲到，原來係最早到，之後 MFC 同小可都黎左，等左陣 YIK 先到然後 小可 就帶左我地 (鴨仔團) 去搭輕鐵…開頭好唔慣，架輕鐵太「輕」啦，勁OH勁恐怖，之後仲撞到副眼鏡基於各人都未食野，所以就去左間叫「七福神」既壽司店度食野，果度既裝修幾靚，最正都係個大烏居，雖然無得去日本睇，不過睇下依個裝飾品都 OK 既~食完野，就去左 濕地公園 ，今日好曬又冇雲，空氣又幾清新，唔錯…只係曬左少少…入到去票務處，小可就去左幫我地買飛，15蚊張…然後就入去訪客中心，經過貝貝之家就正式踏入今次濕地之旅…不停咁行，沿途影左唔少相，例如啲橋等等行到五點左右人地清場，所以要走LU小可帶我地去天水圍市中心個巴士總站搭車，沿途驚現「MFC個頭在路軌上」，基於相片會引致不安(打格)，所以都唔公開，當然副相係 SER 度，搵到就係你好彩=== 是次網聚到此完畢 …

話說早前比人拉左入劇社，之後就非常之無聊地玩遊戲…到左今日終於可以排劇喇，首先就教扮機械人…然後就幕一既開頭，我既角色未又係扮一個二打六，一句起兩句止啦，詳情唔多講…希望各位會認到我

塞死左