分類彙整：電腦相關

跟電腦相關的東西

對HKDI更深一層既認知

由 CARO 發表於 2010 年 7 月 29 日

岩岩同一位設計師食飯傾計，咁岩佢又得閒，食完野就返公司同佢吹水。 … 跟住我就問一問佢其實 IVE「資訊科技」既「三年制多媒體設計資訊科技高級文憑」課程，同 HKDI 既「三年制創意媒體設計高級文憑」有咩分別？ 佢睇左一睇，就叫我入 HKDI 。我問佢：「咁有冇得解釋下點解？」佢話佢都係 IVE 讀過，依一科個師資都唔係幾好，相反 HKDI 係主力設計既。跟住佢就問我：「你認為啲公司搵人做設計，會搵 IVE 既人，定係 HKDI 既人？」答案顯然而見。 咁兩個課程除左院校外，仲有咩分別呢？係度先感謝佢同我分析同教識左幾樣野… 就係原來 HKDI 既課程，會比較著重教你思維上既野，佢地稱依啲為開腦。而相反，IVE 資訊科技既課程就只係純粹教你，而你學左就做。 佢又話，HKDI 教既 文化學同美學與符號溝通學 ，對日後讀書/理解都比較容易掌握。佢簡單咁講明左 文化學同美學與符號溝通學 係咩黎，當然一時間我都唔係好理解到… 但我明白左一樣野，就係如果對媒體設計有一定興趣，入 HKDI 就冇錯。

發表於 圖像設計, 閒情雅致, 電腦相關 | 發表迴響

TP-LINK 已去… MYGICA 回歸…

由 CARO 發表於 2010 年 7 月 13 日

今照一早拎左兩隻有問題既手指去維修… 間公司係中環既永吉街，係去之前已經做左功課，知道由永安中心行過啲就係… 但係因為GOOGLE MAP冇左MTR出口位置顯示，搞到我要去到實地先PLAN到路線… 藍色線係我行錯路果次，我由上環站一直行到去中環站… 然後我係中環站睇左陣地圖，都搵唔到永吉街，而且又搵唔到永安中心… 跟住我就沿藍線返返轉頭(黑線)，行到去興隆街，先見到永安中心個「永安」兩隻大字… 原來我第一次行果時，有棟大廈阻住左我既視線，搞到搵唔到永安中心… 直到我返返轉頭，先見得到… 但我仍然係搵唔到永吉街… 就係興隆街果度，我打左個電話，問返間OFFICE係邊，佢話係7仔同萬寧中間條路就係… 我行多行，見到7仔個牌… 最囧既事黎喇… 大家都見到係牆度係有個路牌，而我第一次既路線，個方向係由7仔行去萬寧。而問題係… 個路牌比人換左走左… 搞到我根本都見唔到，之後就一直向中環方向行左超多冤枉路… 最後… 終於去到目的地，上到去，填左啲FORM，交低左啲野比個職員… 然後… 等左3分鐘又3分鐘，等左3分鐘又3分鐘，足足等左起碼10個3分鐘 (簡單地說即係超過30分鐘) ，先有個技術人員出黎，問我用咩 Windows。跟住我又答左一堆廢話，其實個答案就係 Windows 7 咁簡單 佢話隻 TP-LINK 要 ver. 2 先可以用係 windows 7 度，而佢地手上只有 ver. 1，咁我就話等到有貨/整返好先叫我上去拎… 而高清手指方面，佢地就換左隻新既「二手」比我，睇過無問題咁我就收左貨… 不過個殼就… 真係… … 繼續閱讀 →

發表於 閒情雅致, 電腦相關 | 2 則迴響

好忙呀

由 CARO 發表於 2010 年 7 月 12 日

早幾日前，塊底板無故暴斃於機箱內，經過多番調查下，死因仍然不明… 所以就換左另一塊牙石底板，然而，塊底板係買CPU果時送埋，賣家話塊底板有啲問題，不過我冇問佢有咩問題… 最後我都係選揀唔用牙石底板，轉用另一塊ECS底板… 問題來了。。。 我隻 TP-Link 無線接收手指，同埋隻高清手指… 又無故暴斃… 一直到依家又係死因不明… 無計之下，唯有送佢地入廠… 我發現，原來兩舊野都係入同一間廠… 都好既，唔洗左仆右仆搵廠入…

發表於 閒情雅致, 電腦相關 | 發表迴響