分類彙整：閒情雅致

今日一大清早就起左身刷形洗面，原因係大廈要洗水缸… 之後等到12點左右，搭MTR去九龍灣… 出門口前睇左氣象圖，見到有個好大既雲狀物體形成緊，加上港島果邊D雨好大，經過幾秒既思考後，決定都係袋把遮… 去到牛頭角站，舊雲終於落到黎，雨都唔細… 然後九龍灣商場行左陣，然後上二期機鋪打機… 果時大概已經係1點左右，但顯然地係唔齊人… 最後去到搭直通巴士既車站，見到有兩個很熟口面既人形準備上的士，然後姓吳果位人兄被撞牆兄的多番說話後，衝左過去果兩位人兄到，而我同撞牆兄都跟住衝… 不過基於地面濕滑，一個唔小心仆左係地下，好彩有條柱比我借力，先無咁傷 最後當然有人遲到，而遲到果位仲要係BOOK場果位… 入到房有得篤波唱K玩PS3，我就緊係篤波算啦… 篤到5點幾，悶悶地，拎部電話出黎上網，先知原來掛左黑、紅暴雨… 無視… 最後緊係乜都唔理，繼續篤波唱K玩PS3 玩到8點，散水，一齊搭的士返去九龍灣… 我地一行十個人，分左三架的士… 上到車，同個司機傾開先知原來的士可以載5個乘客… 前1後4… 佢唔講真係唔知 好了，今日就是放榜前的一個星期… 各位好走了

大概五點幾果陣，我因為做緊野，所以冇坐係部電腦前面… 大概係五點三十七分果時，呀哥打電話黎話已經黑雨… 我即時O左，黑雨…?! 好在佢提下我，唔係我起碼等到6點先知… 之後我返返去電腦度… 即刻對住天文台個網頁… (請自行補完)… 睇返原來5點20分掛紅雨，5點30分已經係黑雨… 真係唔知想點… 好多地方都沈晒，好在太子果邊冇咁嚴重… 真係估你唔到個雨帶一野係市區爆發原來係咁大威力 值得一讚既係… 屋企樓下個商場有小巴站，啲人好守秩序，好佩服佢地可以係一個冇人維持秩序既情況下整到一條蛇出黎   ((相信大陸暫時係冇可能發生