分類彙整：閒情雅致

今日本來想八點半起身，點知又 DUMP 到九點半左右，起左身刷完牙食埋早餐出門口之後返到學校整馬賽克，整到咁上下呀 SIR 返左黎幫拖，佢仲帶左個女性黎，邊個唔講，自己估不過我早有準備，隨時拎起部傻膠機去，想要既搵我，不過影得唔係好好咋，唔好插我緊住呀 SIR 食完個 M 記早餐就落手整野，我地又係度傾計…今日真係好多人捐血，我都捐左次— 某位烈士們既血*以下內容可能引起反感，請注意[url=[attach]4[/attach]][1][/url] [url=[attach]5[/attach]][2][/url]整完之後就返左屋企，好悶@~@上網繼續巫女巫女，點知搵到一套 02 年出既動畫《朝霧の巫女》，四點左右一直睇到八點半…跟住大概七點幾，叮左個意粉食，實行意粉撈動畫大結局喇~ 大結局喇~鳴… 好好睇，雖然中間 MISS 左兩、三集，不過整個故事都好正，一共有 26 集，每集 12 分鐘左右，一套好正統既巫女動畫開頭搵 BT 不過下載唔到，不過上網搵串流睇，點知又比我係以前上開個網搵到，唔通依啲就係緣份…搵黎搵去都得 E 套巫女動畫，唔知仲有冇呢=== THE END ===如果係巫女控，而又冇睇過《朝霧の巫女》既就要睇下喇

今日出左去拎眼鏡，近視比兩年前深左成一倍有多@~@話說今日搭車出去太子，之後心思思想買樽蘆薈粒~自動販賣機賣8蚊樽，之後7仔賣七過九，非常之精明既各位都應該會去7仔買我都係比較鐘意飲雪梨版，檸茶配蘆薈有啲怪，唔知有冇冰檸呢~不過佢個樽個設計好衰，中間近尾部凹o左落去，唔通想慳成本(?)

今日照常咁返學整馬賽克，不過今日比較早少少返去…之後其他人都返晒黎，要做野喇。做到咁上下，我地幾個同呀 SIR 食晏，大家都食車仔麵，不過好衰，冇左學生有野飲優惠，搞到我要飲水食完晏，班 FD 走晒，得我同呀 SIR 返去學校，我就繼續做 LOVE PS: 做 LOVE 係指隻字係 LOVE ，我去圍邊咁解…跟住呀 SIR 就有事要走，佢叫埋我一齊…返到屋企喇…矣…原來今日老和有人上黎，我呀哥又出左去，冇人開門添，算喇，唔睬佢之後過左約定既時間，我就咩都唔理，打機至上…其實都唔係打機既，只係上網搵有關巫女既資料啫…(純情巫女控在此)