今日係 IVE 迎新日，一朝早就起身出發~

雖然今日遲到，不過唔緊要…

最後都係同啲 FD 一齊搭小巴返學校~

入到去，係個學生辦事處隔黎有張分班名單，大家睇完之後，就去左飯堂度坐，直到夠鐘上 HALL 。

上到 HALL ，基本上都冇咩野睇，唯一可以講既只係個 HALL 比母校果個細，同埋有啲攀石設施。

而講既野大致都係果啲，幾好，係圖書館果個差啲訓著

食飯時間~ 因為有好多其他校既人黎食飯，同時我地又係個 HALL 度放，變左個 CANTEEN 打晒蛇餅

迫住都係要行返落山，啲飯好貴>x<

食完飯返去學校，就係為左依個傳說中既全人發展活動…

開頭以為係講座… 哎呀！又估錯左

好了，我(R班)加埋K班既人一齊，一行有26人…

我地先上左一個 Room 度，傾左陣計，大家認識下先。可能我個名易記，基本上唔係叫我小明，就叫我明哥

講返正題，原來我地係要玩 Game … 是咁的，首先係唔同 position 有唔同材料，每個 position 都要你完成任務先可以拎到材料，啲任務有時要13個人，有時只要3個人就可以完成。而時間得1小時，要係依1粒鐘既時間拎齊晒有用既物料，最後再有1小時既時間比我地砌投石器。

為此，我地分左 4 Group，另外有一個做 Team Leader 。就係依個 Moment ，我比人推左做 Team Leader … 原因可能係我個名易記(見上)，二黎，冇人做未我做囉

4 Group 入面，有2組男，2組女。女仔就負責係2,3樓玩，我地男仔就負責係地下同1樓玩。最後大家都可以拎到所需要既物資，真係好

係整投石器既時候… 其實我已經好攰，所以主要都係坐埋一二邊睇佢地做野。加上我唔係理科人，真係唔好同我講咩力學，幫你地唔到。頂多都係比下意見，睇下有咩位可以再改改咁。

砌完之後，都已經係5點左右，就落去HALL度比賽。成績結果都係中規中矩啦，不過今日既重點都唔係依度。

比賽過後，點都會有啲檢討及意見發表咁。而我地既哥哥姐姐就話想收集14個人既感想。我真係好攰，唔想多諗野同講野，所以冇開聲。

忽然有電話黎，咁我迫住要離席。聽完之後，就返埋位繼續吹水。然後位帶組姐姐就話：「其實我好想問下你地個 Team Leader ，一開始見到佢都幾積極去做野，點解係砌投石器果時又會坐埋一二邊，係未有咩企圖？」

好啦，既然你問到，我唯有照直講其實我都係因為冇人做 leader 我先做。跟住就廢話一輪(唔記得謂左咩)，大家拍晒手掌。識我既都知，我講野唔係一句起兩句止。我再插多一句落去：「大家今次個設計唔錯(指投石器)，其實你地讀設計既，每做一樣野都係設計，即使你每行一步，都係設計。」跟住大家又拍多次手掌…

同時隔黎位既朋友仔係度問我：你依句 (即使你每行一步，都係設計) 金句黎喎，諗左幾耐先諗到

當然我答佢，依個都只係我既 feeling 黎

傾多陣，都咁上下，係時候散水。有緣再見了各位

個個都著到靚一靚，搞到我完全自卑

高過我既女仔仲要著高跟，令到我矮上加矮，又自卑多一成…

跟住同學借左部DSLR比我，影大合照果時，又因為比前面高過我既女仔阻住，又影唔到，再自卑多一成

唉… 成日又比人失約左兩次，再自卑多多一成

Q: 請問我成日自卑左幾多成

不過都算係咁，酒店啲野都唔錯，係款式少。

然後又係混亂中拎到隻2GB手指，係印左學校名之類既手指，都算係有紀念價值。

同埋再次有機會成班學生會影相(少左一個 )，感覺唔錯。

最後我都係難逃一劫(說笑)，比校長夾我同佢影，好開心

基於資金有限，所以只購入了 Figure ，而沒有購入場刊

當年的今日，改變了我們很多很多。眾所周知，小弟乃學生會幹事會 Supreme 中的一位小角色，不過我仍然相信自己能夠為學生會作出貢獻。因此，我便專心鑽研學生報，最終，獲得了不少的好評。起初，我只是想在背面鍵上我的名字而已，但這事我真的做不出，在內心間糾纏之下，我發現…我原來忽略了不少很重要的東西，這就是…我們11人的友誼。

回想當初，懶懶散散的勉強幹了學生會，一心只是想取得榮耀，以及別人的贊同。不過，我又錯了，簡簡單單的成為學生會幹事，但卻不能簡簡單單的幹下去。這正是 Supreme Logo 中「荊棘」的意思。無錯，我的確是忽略了很多很多。這正是我的弱點，不過，我相信總有一天我能改變。

他朝一日，我們將會重臨，這正是會考達標的一個奮鬥目標！！